Mamman er alltaf að læra og situr og glápir á tölvuna alla daga og dæstir og anvarpar. Ég reyni að hlýja henni aðeins á tánum á meðan og færa henni alla skó sem ég finn ef hún skyldi vilja fara út. Ef það er kalt úti þá sæki ég líka húfur og vettlinga handa henni. En hún nennir ekki nógu oft að klæða sig í þetta allt.

Um daginn fóru þau síðan aftur til útlanda og af því Bella mamma var að fara að lóða þá þurfti ég að fara á hundahótel í fyrsta skipti. Það fannst mér ekki gaman. Ég var logandi hræddur við alla hundana sem geltu og geltu á mig. En ég gelti svo bara á móti. Mamman var alveg steinhissa þegar hún kom heim því ég var alveg raddlaus í marga daga. Vona að ég þurfi aldrei að fara á svona hótel aftur. En ég fékk nýja fína strákaól með göddum svo ég er mikill töffari núna.

Pabbinn er búinn að kaupa sér mótorhjól. Ég er ekki hress með það. Í fyrsta lagi er mikill hávaði í svoleiðis tæki og svo held ég alltaf að Palli frændi sé að koma þegar ég heyri í því. Hann er nebblega sá eini sem ég þekki sem á mótorhjól.

BBIB 

Mamma er ennþá alltaf að læra. Hundleiðinlegt. Nenni ekki að segja meira um það.

BBIB Snoopy                    

 Bjarninn keppti á fimleikamóti á laugardaginn og varð í sjöunda sæti af 28 keppendum. Bara nokkuð gott held ég. Enda er maður í stórhættu á stofugólfinu fyrir svona mót.

Á föstudaginn síðasta fór ég í fyrsta skipti í veiðiferð. Vá hvað það var gaman. Veiddum nú ekkert við Pabbi, enda kallinn grænn á bakvið eyrun í þessum efnum. En við löbbuðum í marga klukkutíma og það var frábært. Ég var pínu sárfættur og smá þreyttur þegar ég kom heim, en ég fylgdist samt vel með þegar pabbi var að ganga frá dótinu svo hann stingi mig nú ekki af og færi aftur einn. Kannski förum við aftur um helgina jibbí.

Ég fór um daginn í nokkra tíma í hundafimi með Bjarnanum og það var mjög gaman. Pínu stressaður því það voru svo margir hundar. Lærði heilmikið af einhverjum æfingum. En við hættum af því að Bjarni er næstum helmingi léttari en ég og ég gleymdi alveg að hugsa útí það þegar ég varð rosa spenntur yfir lykt og svona. Mamma ætlar kannski að prufa að fara með mig sjálf á næsta námskeið.

Jæja best að fara að hleypa kellunni í lærdóminn aftur og ég ætla að halda áfram með nautið.

Sæl að sinni

Við erum aldeilis búin að gera víðreist í sumar. Fyrst vorum við í nokkra daga á Kirkjubæjarklaustri. Fórum að veiða og skoða Lakagíga meðal annars og ég synti í Skaftá. Ég lenti í smá vandræðum þar. Mamma vaknaði um miðja nótt og skildi ekki alveg af hverju. Hún heyrði mig svo væla og hélt kannski að ég hefði fengið í magann eða eitthvað því ég er yfirleitt ekki með vesen á nóttunni. En þegar hún kíkti undir borð í fellihýsinu þar sem ég sef,þá var enginn þar. Þá tók hún eftir því að vælið var úti. Þar sat ég blautur og hræddur. Þá hafði ég laumað mér út aðeins þegar Ómar fór að pissa og ekki komist inn aftur náttúrulega. Rosa var ég glaður að sjá mömmu mína og vildi helst sofa í fanginu á henni. Við fórum líka tvisvar til Nennu og Boggu í sveitina, það er alltaf gaman.

Vikuna fyrir verslunarmannahelgi lögðum við aftur í hann og þá norður. Byrjuðum á Hvammstanga og síðan Ásbyrgi. Þar rigndi og rigndi og ég var svo blautur. Ákváðum þá að skella okkur í sólina í Hallormstað. Það var allt annað líf. Ég var svo feginn að losna úr rigningunni að ég lá í sólinni í 20 stiga hita. Ekki í skugganum eins og venjulega. Þar fórum við í göngur og ég buslaði í leginum. Mjög gaman. Enduðum svo í Kjarnaskógi. Komum heim eftir 9 daga útilegu og sváfum eina nótt og skelltum okkur beint í Þjórsárdal eftir fótboltamót hjá Ómari. Það var nú bara í eina nótt sem betur fer. Ég er orðinn svolítið þreyttur á þessum endalausa akstri enda leiðist mér í bíl.

Nú fer sælan að verða búin. Mamma og strákarnir að byrja í skólanum svo ég þarf að fara að vera einn heima á daginn aftur. Það verður erfitt. Kveðja í bili.

Jæja ég fékk loksins að hitta Rympu og hvolpana 3 í dag. Ég var rosa glaður að sjá Rympu aftur eftir svona langan tíma. En ég var svolítið smeykur við þessa hvolpagríslinga. Fyrst vorum við aðeins úti að leika,það var fínt en þegar við komum inn og þeir vildu tala við mig eitthvað,þá vildi ég bara fara heim. Svo mikil læti í þeim. Ég skil ekki svoleiðis enda alltaf svo rólegur sjálfur Ég lék líka í smástund við Tönju vinkonu mína í dag. Það var svo fínt veður. 

Á þriðjud. kom mamma labbandi heim úr vinnunni með einn af strákunum og við löbbuðum svo tilbaka í skólann öll þrjú. Þau hafa gert þetta áður og mér finnst það svo skemmtilegt því þá fæ ég langan göngutúr og að hitta alla í mömmu vinnu.

Jæja nú ætla ég að leggjast í bælið og láta mig dreyma um gott sumar. Ekki samt eins sumar og mömmu dreymir um, því ég er kolsvartur með þykkann feld.

Að það er langt síðan ég hef bloggað. Það hafa bara allir verið svo rosalega uppteknir að enginn hefur mátt vera að því að skrifa fyrir mig. Ég er búinn að fá 5 frændur og 2 frænkur. Rympa mín orðin mamma, en skrýtið. Hef nú ekki fengið að hitta krílin ennþá. Kannski þegar þau verða aðeins stærri. Það eru myndir af þeim í myndaalbúmi undir Frændsystkini.  Öll fjölskyldan (nema ég) fór í sumarbústað um daginn. Ég fékk ekki að fara með. Eitthvað að gera með bannað og ofnæmi skilst mér. Mér fannst þetta hundfúlt. Mamma var með smá samviskubit yfir að fara og hún mátti alveg hafa það mín vegna. Ég var í pössun hjá Bellu mömmu og Ástu. Það var svosem ágætt. Við lékum okkur svo mikið að við eyðilögðum allt dótið sem ég fór með og Bellu dót líka. Svo var ég rosa duglegur að láta Ástu vita þegar dyrabjallan hringdi. Hún hrindi sko oft.  En hún varð bara fúl og sagði mér að þegja svo hún gæti sofið. Tautaði eitthvað um að þetta væri Hallgrímskirkjuklukkan og hún hringdi á korters fresti. Hvernig átti ég að vita það. Það er engin Hallgrímskirkja heima hjá mér. Sem betur fer. Ég hætti svo bara að láta vita fyrst hún var svona fúl. Um helgina fórum við að Kleifarvatni og ég hljóp og hljóp í sandinum með strákunum. Ég fór líka út í vatnið og setti hausinn í bólakaf. Mamma átti ekki til orð af því vatnið var svo kalt. Ég fann nú ekki mikið fyrir því. Enda er ég náttúrlega svo stór og sterkur

Nú eru þessi jól búin og allt að verða eðlilegt aftur. Ég fékk nokkra jólapakka en það var aðallega dót. Smá nammi, en hefði alveg mátt vera meira Gamlárskvöld fannst mér nú ekkert spes. Ég var nú ekkert hræddur, en mér fannst lætin fullmikil samt. En ég lagði mig bara og kíkti svo aðeins út á svalir til að athuga hvort mamma væri nokkuð sprungin í loft upp. Loksins er kominn snjór og ég elska snjó. Það er svo gaman að hamast í honum, sérstaklega þegar Tanja og Amigo vinkonur mínar eru með mér. Þá er sko stuð. Bráðum verð ég frændi og allir voða spenntir. Ekki ég. Rympa nennir ekkert að leika lengur út af þessu. Kannski nenna krílin að leika þegar þau eru orðin nógu stór.